过山车
上一篇 / 下一篇 2008-03-09 22:34:24 / 天气: 晴朗 / 心情: 呆滞 / 个人分类：碎碎念
时间:2008年3月9日上午8:30---11:50
地点:广外二教219
事件:专八考试
考试情况: 个人认为不理想.听力做得唔好,mini lecture疑似错咗一半;阅读理解唔够时间做,最后一篇无时间思考,几乎靠直觉选;人文知识一般,好似有两三题唔肯定;改错一半以上唔肯定;翻译无感觉,不过系惟一一个部分够时间认真思考;作文, 令我谂到当年高考考英文果时嘅情况,唔够时间,写到最后一个字就交卷,到后半部分几乎谂到乜就写乜,几乎无认真斟酌过......
感想: 好惊过唔到.考完之后无拉拉惊自己填错答题卡.觉得考专八就好似坐过山车咁, 准备果时就好似部车从最低点爬升到最高点果个过程咁, 有D期待,有D紧张;坐果时好似惊俾过山车fing出去,但系都未惊完,就过咗喇,做听力都系一样,好认真咁听,希望听清楚D,但系都未反应到过来,咁就过咗喇;睇过山车嘅人会觉得过山车好快,而坐过山车嘅人会觉得无睇落咁快,就好似我觉得我做阅读其实都做得唔系好慢,但系唔知点解,D时间就系过得好快;玩过山车果时只系觉得系度玩,玩完之后先觉得有D惊,就好似考紧试果时唔得闲惊,考完之后先惊呢度惊果度......
最想讲嘅嘢: 希望我过到啦!
TAG: 过山车
