优势?

今日睇咗一篇文章,题为:教你如何发现自己的优势.
其中有几个问题:
通过类似以下的问题回顾描述自己能做的事情，归纳相应的能力　
别人认为我什么最出色？　
我自己最拿手的事是什么？　
我曾做过的最得意的事？　
详细描述你做过的最得意的一件事：　
事情的概况？　
当时你遇到什么困难？　
你采取了什么解决办法？　
最后达到什么结果？　
在这件事中，体现了你的什么能力？

无错,网申过N次噶各位同学一定觉得好熟悉,因为啲open question就中意问呢啲嘢.如果我系做OQ,当然识得老作啦.但系如果要我问心果句,我真系好想咁答:
唔知.应该无乜出色.
我无拿手嘢噶啵.
无做过咩令自己觉得得意嘅,所以下面无办法描述.

都唔知系自己记性唔好,定系生活态度有问题,唔识得总结,我真系唔觉得有啲咩事我系觉得好困难,又或者好得意,更加唔好话从中体现自己乜能力之类.简历上面写果啲所谓能力之类,唉,我真系觉得好虚,自己其实又无做过啲乜实质噶工作,面试果时系死撑噶姐.越谂就越觉得自己无乜竞争力.有时都唔知系自己蠢定系态度有问题.有时我会谂,如果面试果时,个面试官问我:点解你咁迟都未搵到工? 我真系唔知点答.我唔系无反省过噶,不过一唔系谂唔清楚,就系唔知点解决.李太成日话:唔使急,上好你啲课先.其实佢系唔想俾压力我姐.唉,学学学,学鬼咩,晨早就发现自己无晒以前啲学习效率,仲要心散添.自刮两巴.
睇住其他同学一个个咁签走,真系惊自己会系果只卖唔出噶箩底橙.
其实谂谂下,觉得自己噶态度真系有啲问题,起码就无人地咁扑心扑命啊.
唉,连哀怨噶资格都无.
唉,论文啊论文啊,几时先呕得完啊......